Prins Tom I
Alaaf minse van Mieve en Roy
Eindelik, nao 3 jaor kin kloppe hemme ve nog ins eine stuut en daobie is het uich nog een jubileumjoar, jao 4 x 11, ongeleiflik toch, néét ?
En nuu maag ich es TOM I toch waal de vierenveertigste Prins vanne Heikiesèters zéén, wat vier mich ein gruute eer is, bedankt hiej vier, manne vanne Road van Elf.
Ich zal mich effe vierstèlle : Tom Camps, 28 jaor, gebure op 24 september 1994, zuun van Marie-Christine Truyens en Eric Camps. Mien broer Rob en mien zus An maken uis femilie komplièt.
Vruilie, es ge soems dacht gauw eine Prins aanne haok te koene sluun, ge zeet just eet te laat, sins e paar maonden hem ich ein vriendin Ellen en ich bin van plan dèt zuu te houwe. Hère pa is nog uuts Prins gewèèst in Hasselt, dus het carnavalsblood zit aan alle kanten good.
Mer es ge mich wilt proficiat winse mogt ge mich altied bellen vier eine of leefst mier guun te drinke (0485/436036).
Vier op pensjuun te guun bin ich nog wat te joenk, vier de kost wèrk ich daan uich bie All Tent Solutions op het industrieterrein, bèter bekend es Tentenbedrief Joris. Dus es ge e feestje wilt gève en mich uitnuudigt kan ich misjien bie Joris e sjuun prieske bekuume.
10 joar bin ich bie het besteer vanne Mans gewèèst, boovan 2 jaor es vierzitter. Festivals en concerten zéénn daan uich ein van mien hobbies. E lekker pintje drinke met kameraoden hiert dao nateerlik bie en sonnigs guun keigelen bij Rob inne Mood is uich ein van mien vaste uutstappen.
Zuu, nuu wèt ge al wat mier iever mich. Wat ge echter néét mocht missen is nateerlik uize 40ste carnavalstuut op zonnig 12 miert. Chips, keekskes, mars, twix, bounty , milkay way giem, wafelkes guun oech weer oem de uure vleege. Oem det allemaol te koene bekostigen kimt wie elk jaor de sjetterie van Ellekoem roend met stikkers. Vier 3,00 euro, nateerlik allein vier de gruute minse, steunt ge de carnaval en koene vè weer e potje aanleige zuu det de jing volgend jaor weer eine gruute huip sloek koene rapen.
​
Oem 14u11 stipt beginne ve ter weer aan met start oppe Ginkerbaan. De oemluip is e bitske verannert. Duur die versmallingen oppe Gruitroderbaan koene ve hie neet mier duur met uis carnavalswagens en zulle ve oppet Genits ein straot ièder aafdreije, inne Arkstraot. Vier de rest leipt de stuut hetzelfde es verlieje jaor. Het begint met eine reklamestuut en dè is wie altied gratis en vier niks, zuwaal zelfstandigen van Mieve es van anner gemeinte koene zich gewuun ter plaatse aanmelden op zonnig 12 miert.
​
Es de stuut binnen is zal ich met de ganse Raod van Elf de cafés in Mieve guun bezeeke. Ge zéét allemaol uitgenuudigd oem met uis met te guun op deze kroegentocht. En maondig isser weer gratis lekkere hiering te kriege in versjillende cafés in Mieve.
​
En met de goeje raod : “ blieft vieral vèèl lache want tis beweeze det ge vier te lachen vèèl minner spiere moot gebrieke es vier leelik te kieke” zal 12 miert weer eine onvergètelike huugdaag zeen in Mieve .
Alaaf, Alaaf, Alaaf
Prins Tom I