© 2017 by G.K.V. De Heikiesèters Meeuwen-Gruitrode. Proudly created with Wix.com

  • Grey Facebook Icon

G.K.V. De Heikiesèters

p/a Rob Schouteden

Weg naar Helchteren 59 3670 Meeuwen-Gruitrode

+32(0)488 49 93 24

rschouteden@hotmail.com

Prins Rob II

Prins Rob II - Heikiesèters

Alaaf minse van gruut Mieve-Roy

 

Eindelik noeg ins eine Prins van Ellekoem, det is lang gelieje, mer hie bin ich : ROB II, 42ste Prins vanne Heikiesèters van Mieve. Ich zaal mich effe vierstelle. Op miene pas steit Rob Ulenaers, joa de zuun van Stef en Marie-Claire of uich Rob van Stef van Pier van den Uleneir. Doa buute hem ich noeg ein broer Stijn en ein zus Annick. Es ge mich moot hemme, ich wuun oppe Weig noa Ellekoem nummer 238, just vier den dreij aanne rechterkant este van Mieve kims. Ich kwaam vier den ierste kier piepe op 30 september 1999 en dus met mien 19 joar de joengste prins det de Heikiesèters uuts hemme gat. Soemige minse, mer det loat ich vier hin rèkening, alhuwaal ich dink det ze geliek hemme, zeige uich de knapste. Vier de geïnteresseirde vruilie, want ich bin noeg altied vriegezel, miene GSM-nummer is 0470/027983.

Vier de kost wèrk ich sins 1 joar es elletrieker bie de firma EVI uut Père. Miene vrieje tied probeir ich wat te verdeile. Bie de sjetterie van Ellekoem bin ich trommeleir en sjutter, ich mis bekans nuuts, dus vruilie let mer good op. Inne topploeg van Sporting Ellekoem bin ich verdediger en die van Wieshage hemme onlangs in de derby gelek gehad det ich gekwetst waas, anners hadde ze nuuts ein goal gemaakt. Bie de KLJ bin ich aal 4 joar leider, meistal met een korte ei mer uich soems met een lang ij. Joa, ein lekker pintje drinke hiert hie nateerlik uich ieveral bie.

Miene pa Stef, es ge soems eine goeie bakker vier oere BBQ zeekt, deit uich al ins beroep op mich vier hèm te helpe. Ich wil van dees gelegenheid daan uich gebriek make oem uize joarlikse BBQ op zoaterdig 1 juni 2019 in het sjetterslokaal van Ellekoem te promoten, kaarten zeen binnekort te verkriege bie alle leden vanne Road van Elf.

Mien aanstelling es Prins op 26 januari innet heem waas nateerlik ein huugtepunt mer de sjuunste daag van mien prinsejoar geit ongetwiefeld zonnig 24 miert zéén, daan trekt de 38ste carnavalstuut duur Mieve. Aan sloek zaal er weer gein tekort zeen, ich goan mich met de Road van Elf weer eens good loate guun. Chips, keekjes, sjoekelaat, giem, gekleirde bel, het zaal weer rojaal uitgeguwd weire. Om det allemoal te bekostige kimt wie elk joar de sjetterie van Ellekoem roend met stikkers. Vier 3,00 euro, nateerlik allein vier de gruute minse, steunt ge de carnaval en koene vè weer ein potje aanleige zuu det de jing volgend joar weer eine gruute huip sloek koene rapen.

Oem 14u11 stipt beginne vè ter weer aan met start oppe Ginkerbaan en de oemluip is krek dezelfde es verlieje joar. Het begint met eine reklamestuut en dè is wie altied gratis en vier niks, zuwaal zelfstandigen van Mieve es van anner gemeinte koene zich gewuun ter plaatse aanmelden op zonnig 24 miert.

Es de stuut binnen is zal ich met de ganse Road van Elf de cafés in Mieve guun bezeeken. Ge zéét allemoal uitgenuudigd oem met uis met te guun op dees kroegentocht. En moandig isser weer gratis lekkere hiering te kriege in versjillende cafés in Mieve.

 

En met de goeje road : “ blieft vieraal vèèl lache want tis beweeze det ge vier te lachen vèèl minner spiere moot gebrieke es vier leelik te kieke” zal 24 miert weer eine onvergeitelike huugdaag zeen in Mieve.

 

Alaaf, Alaaf, Alaaf