© 2017 by G.K.V. De Heikiesèters Meeuwen-Gruitrode. Proudly created with Wix.com

  • Grey Facebook Icon

G.K.V. De Heikiesèters

p/a Rob Schouteden

Weg naar Helchteren 59 3670 Meeuwen-Gruitrode

+32(0)488 49 93 24

rschouteden@hotmail.com

Prins Jona I

Prins Jona I - Heikiesètes

Alaaf minse van gruut Mieve-Roy

 

“I have a dream”, de bekende uutspraak van Maarten Luther King waas bie mich uich van toepassing aal waas miene druim waal innet plat Mievers “ Ich had eine druim”, namelik Prins wère vanne Hiekiesèters van Mieve. En nuw isset zu wiet, miene druim is uitgekuume : JONA I, 41ste Prins vanne Heikiesèters van Mieve. Toevallig hem ich dezelfde achternaam es miene pa Mark Vanvelthoven, mien ma is Linda Verheyen, dochter van Chris Verheyen, oech ongetwiefeld ieder bekend es uutbater van museum Het Karrewiel oppet Gestel. Mien ouwers zeen uich allebei echte carnavalisten, dus det zit blijkbaar bie uis thuus innet blood. Met mien broer Brennen is de familie koempleet en vè wunen allemoal noeg oppe Gestelstroat nummer 79. Omdet ich noeg gein lief hem bin ich nateerlik noeg altied vriegezel mer es prins met al die uutstappe kaan doa volgens mich rap verannering in kuume. Vier de geïnteresseirde vruilie, miene gebuurtedatum is 09/05/1995 en miene GSM-nummer 0476/085536.

 

Vier de kost werk ich bie groendwerke Cox in Hamont-Achel. Vreeger hem ich effe voetbal probeire te speele bie Mieve SK, mer mie knieen wuiwe neet meer met en toon bin ich mer gestopt. Mien gruutste hobbie is nuw 4x4 off-road rieje met miene Landrover Defender, inne vrieje nateer crossen, niks zuu sjuun en oentspannend es det. Ich hem uich aal ein wedstreidje in Polen gerieje en met mien kameroade Laurens en Nikki zelfs een eigen wedstrijdjeep gebuiwd. Doa bie goan vè riegelmatig op stap oem ein (soems zelfs meer es ein) lekker pintje te drinke.

Mien aanstelling es Prins op 27 januari innet heem waas nateerlik eine fantastische daag mer de sjuunste moot ongetwiefeld noeg kuume: op zonnig 4 miert trekt de 37ste carnavalstuut duur Mieve. Vier het good wèr is alles aal geriegeld, chips, keekjes, sjoekelaat, giem, gekleirde bel, doa is weer eine gruute huip oppe wagen vier uit te guwe en vè hemme ter weer heel veil zin in. Omdet allemoal te bekostige kimt wie elk joar de Sjetterie van Ellekoem roend met stikkers. Vier 3,00 euro steunt ge de carnaval en koene vè weer ein potje aanleige zudet vè volgend joar weer eine carnavalstuut koene houwe. De jing koene nateerlik vier niks binne want die moote allein sloek rapen.

Oem 14u11 stipt beginne vè ter weer aan met start oppe Ginkerbaan en de oemluip is krek dezelfde es verlieje joar. Het begint met eine reklamestuut en dè is wie altied gratis en vier niks, zuwaal zelfstandigen van Mieve es van anner gemeinte koene zich gewuun ter plaatse aanmelden op zonnig 4 miert.

Es de stuut binnen is zal ich met de ganse Road van Elf de cafés in Mieve guun bezeeken. Ge zéét allemoal uitgenuudigd oem met uis met te guun op dees kroegentocht. En moandig isser weer gratis lekkere hiering te kriege in versjillende cafés in Mieve.

 

En met de goeje road : “ blieft vieraal vèèl lache want tis beweeze det ge vier te lachen vèèl minner spiere moot gebrieke es vier leelik te kieke” zal 4 miert weer eine onvergeitelike huugdaag zeen in Mieve.

 

Alaaf, Alaaf, Alaaf